طول الاسبوع اللى فات وسط ضرب النار والقنابل والبلطجه كنت بتمنى ان اول نوته اكتبها بعد نوت الحشد اللامركزى .. ورقه اصلاح .. تكون نوته عن ذكرياتى فى الايام العصيبه دى وعن رحيل النظام
لكنى حاليا مضطر اكتب ولو كلام قليل السطور عن ما حدث فى اليومين التاليين لخطاب الرئيس بتاعكم _ هو مش بتاعى عشان انا مش بعتبره رئيسى وفى العلن من سته شهور تقريبا _ ما حدث من تغيير فى رؤى بعض الاشخاص اللى اصلا لما يشاركوا وبعض الاشخاص اللى شاركوا بدافع الحرص على الاستقرار والامن الوطنى
فلكم الاتى
من هو المتسبب فى حدوث الازمه .. شباب طالب بحقه .. ولا نظام خان ضمير الامه واشغل النيران فى مقدرات الوطن؟.
المتسبب المتظاهرين سلميا ؟ ولا بطلجيه النظام اللى رباهم على يديه خلال اعوام طويله واعتقد واضح للجميع جليا ما حدث فى الانتخابات الاخيرة وكل انتخابات فى عهد رئيسكم
الم تشاهدون كارنيهات الشرطه؟
الم تشاهدون خطه انسحاب الشرطه؟
الم تشاهدون حرب الشرطه مع المتظاهرين بكل انواع الاسلحه من رصاص مطاطى وحى وقنابل لدرجه ان طائرتين اف 16 اصبح مرورهم فوق رؤوسنا شئ عادى
من قتل مابين 300 و550 شهيد
من اصاب الاف الاشخاص؟
من لم يعتذر حتى فى خطابه او يترحم على الشهداء؟
من روع المواطنين بالاسلحه الناريه ليلا ؟
من هرب ابنه بكل اموالنا؟
من لم يلغى قانون الطوارىء؟
من اصلا طبق قانون الطوارىء؟
من كان يعتقل كل من يطلق لحقيته خلال التسعينيات؟
من جعلنا كلنا نراقب بعضنا البعض ونصبح جميعنا مخبرين لجهاز امن الدوله القذر؟
من سامح فى دماء شهداء العبارة؟
من مسئول عن نزوح خيره شبابنا الى دول الخليج والى اعماق البحر المتوسط؟
من مسئول عن قنوات الدعاره يا امه تدعى انها امه مسلمه؟
من مسئول عن فساد جيل كامل تعليميا وصحيا؟
اين مستشفياتنا؟
اين الضرائب؟
الان استيقظ بعد سبات 30 عام ؟
قالوا لى انه لم يكن يعلم بما يجرى .. طب احا ياسيدى انت وهو
يعنى لما رئيس يقعد 30 سنه فى الحكم وميعرفش اللى بيجرى فى بلده
طيب هو حلو وزى الفل واحنا شباب كخه ووحشين
نمشى نرجع احنا بيوتنا وهو يقعد فى مكانه؟
طب ان فيه سؤال فاقع مرارتى
هو امن موطان وكمان غير صالح ... يساوى امن امه بأكملها؟
طب قالولنا انه نصبر عليه لحد شهر 11
طب هو مش فيه ميراث من عدم المصداقيه واكبر دليل اللى حصل فى فى ميدان التحرير من بلطجه تانى يوم الخطاب
هتقولولى مكانش يعرف برضه
يانهار اسود ياجدعان
طب لما هو مش عارف اى حاجة .. هو قاعد ليه؟
طيب ماتيجى نفترض ان الرئيس بتاعكم مات وانا بكتب النوت دى فى ظل نفس الاوضاع
مش عمرو سليمان هيمسك 60 يوم ويتعمل تعديل للدستور وحل المجلس واجراء انتخابات
طب لو رحل؟ مش برضه هيتعمل تعديل للدستور وعمر هيمسك 60 يوم ويتل المجلس ويتعمل انتخابات
الله .. طب ما هما زى بعض اهو .. طب ما يمشى وخلاص مدام امن الوطن واقف على مشيانه
طب بيقولوا ان رجال الاعمال هما اللى عملوا كده عشان مصالحهم
طب ايه يضمن لى ان فى شهر 11 رجال الاعمال مش هتعمل كده عشان مصالحها برضه؟
طب مش يمكن لو الريس تنحى دلوقتى ... رجال الاعمال دول يهربوا عشان يخافوا يتحاكموا؟
انا ليه بديهم فرصه يفضلوا لحد شهر 11؟
طب وانا اصلا ايه يضمن لى ان رئيسكم يقعد لشهر 11
مش ممكن اصحى من النوم كمان شهر الاقيه باع البلد وملاقيهوش فى البلد وقاعد فى جزر الكاريبى؟
طب هو مين اصلا اللى بدأ المظاهرات .. مش احنا ؟
طيب مش اللى بدأ حاجة بينهيها؟ ولا احنا نبدا ونحقق مكاسب وانتوا تكسبوا معانا .. وتيجوا انتوا اللى تقرروا امتى نوقف
اللى بدأ هو اللى ينهى
مسألتوش نفسكم ليه واحد زى محمد حسان جه التحرير يشد على الشباب
واحد زى محمود سعد
احمد العسيلى
عمرو واكد
خالد النبوى
خالد صالح
ابراهيم عيسى
وائل الابراشى
وكتيييييييير تانين
--
اعلموا ايها الغافلون
محمد العبد ...
3 - 2-2011
ليست هناك تعليقات:
إرسال تعليق